Når: kl. 1300-1600, 18. mars 2024
Kor: Knutholmen, Kalvåg
Invitasjon til innspelsmøte for næringsliv
Bremanger kommune inviterer næringsliv frå regionen til samling i samband med verdiskapinganalysen knytt til Fortescue sitt ønske om etablering av ammoniakkfabrikk på Holmaneset i Svelgen.
Målet er å samle næringsliv i regionen for å dele informasjon om planane, kome opp med nye tankar om moglegheiter knytt til etableringa og eventuelle innspel/synspunkt på etableringa med betydning for samfunns- og næringsutvikling i regionen generelt.
Programmet inkluderer innlegg frå kommunal- og distriktsminister Erling Sande, varaordførar i Vestland fylkeskommune, den norske leiinga i Fortescue, Ocean HyWay Cluster og PwC. Bedrifter som ønskjer å delta på samlinga, som ikkje har motteke invitasjon, vert oppfordra om å ta kontakt. Sjå påmelding og program lenger nede.
I løpet av februar-mars er det gjennomført 20 intervju med aktørar frå privat næringsliv, lokale havneselskap, utdanningssektoren og næringsklynger frå Ålesund i nord til Florø i sør. Fleire intervju står for tur.Tema har mellom anna vore direkte og indirekte verdiskaping for lokalt næringsliv, utvikling av nye verdikjeder, moglegheiter for nye samarbeid og kompetansemiljø og korleis etableringa kan bidra til samfunnsutvikling. Aktørane har òg blitt utfordra på om dei ser utfordringar knytt til ei slik etablering. Intervjua og innspel frå næringsliv og politikarar som deltek på samlinga i Kalvåg, vert ein viktig del av datamaterialet til verdiskapingsanalysa.
Ope innbyggjarmøte rett over påske. Her vil m.a. PwC presentere verdiskapingsanalysa og deltakarane vil på lik linje med næringslivet få høve til å kome med innspel og synspunkt på satsinga. Dato kjem snart.
For meir informasjon, sjå her: Verdiskapinganalyse - etablering av amoniakkfabrikk i Bremanger
