Ny støtteordning skal styrkje forskingsbasert innovasjon i Vestland
Vestland fylkeskommune lanserer no Forskingsfinansiering Vestland, ei ny støtteordning som skal gi næringslivet i fylket eit kraftig løft innan forskingsbasert innovasjon. Utlysinga er open, og bedrifter som sender inn søknad innan 15. mai 2026, vil få svar før sommaren.
Forsking + omstilling = sant
Finansieringsordninga er etablert for å gjere det enklare for bedrifter å utvikle forskingsbaserte innovasjonsprosjekt i samarbeid med forskingsmiljø. Gjennom støtte til forprosjekt skal fleire gode idear kunne utviklast vidare til større forskings- og utviklingsprosjekt.
Dette skal igjen legge grunnlag for nye løysingar, produkt og tenester som kan skape berekraftig verdiskaping i regionen. Bedrifter kan søkje om inntil 500 000 kr per prosjekt.
Kven kan søkje?
Ordninga er open for kommersielle bedrifter med verksemdsadresse i Vestland. Bedrifta må vere eit aksjeselskap og ha tilsette i prosjektperioden. Prosjekta må ha eit klart forskingsinnhald som kan gi ny kunnskap og innovasjon.
Bedrifter som vurderer å søkje, kan få rettleiing frå ein kompetansemeklar.
Meir informasjon om ordninga og søknadsprosessen finn du her: Forskingsfinansiering Vestland.
Digital prosjektverkstad 14. april
For verksemder som ønskjer å lære meir om korleis ein strukturerer og planlegg forskings- og innovasjonsprosjekt, arrangerer fylkeskommunen ein digital prosjektverkstad 14. april kl. 12–15.
Her får deltakarane praktiske råd og verktøy for å utvikle gode prosjektidéar.
Har du spørsmål, kan du ta kontakt med:
Marie S. Knutsen, koordinator for FORREGION Vestland i Seksjon for forsking, kompetanse og internasjonalisering, Avdeling for innovasjon, plan og næring.